Itali - Shqiptari i Italisë

Për kreun e opozitës, Basha, deklarimi i dorëheqjes nga mandati i deputetit i Saimir Tahirit është “një manovër politike, pas presionit që iu bë kryeministrit në Berlin”, për kreun e qeverisë, Rama, një “akt dinjitoz”

Tiranë, 4 maj 2018 - Pas deklaratës së ish-ministrit të Brendshëm Saimir Tahiri për lënien e mandatit të deputetit, kanë reaguar përfaqësues të politikës.

Kryeministri Rama: Akt dinjitoz, i pari i këtij lloji në historinë e Kuvendit

Kryeministri Edi Rama, gjatë një interviste në emisionin Opinion tha se dorëheqja e Saimir Tahirit si deputet, është një akt dinjitoz, teksa theksoi se integrimi nuk varet nga çështja Tahirit, pasi nuk është kusht.

“Ky është një akt dinjitoz, në kujtesën time i pari i këtij lloji në historinë e parlamentit shqiptar, i respektueshëm plotësisht.  Besoj që është humbje kohe të merremi me llafet e kazanit politik dhe mediatik, pasi ky është një akt që flet vetë dhe është i respektueshëm për atë që është. Unë s’kam pasur asnjë dijeni dhe s’ka asnjë arsye pse unë duhet të kisha dijeni. Saimir Tahiri prej 6 muajsh nuk është pjesëtar i grupit tonë parlament dhe nuk ka asnjë rol në Partinë Socialiste” theksoi Rama.

“Parlamenti shqiptar, fatkeqësisht nuk është një i tërë sot, është i ndarë. Parlamenti shqiptar ka një shumicë, ka dhe një pakicë. Në rast se flasim për shumicën, nuk ka pasur asnjë lloj nevoje të çlirohet nga asgjë. Shumica ka mbajtur qëndrimin e duhur për këtë rast. 100 herë të ktheheshim mbrapsht, 100 herë do kishim mbajtur të njëjtin qëndrim”, tha Rama.

LSI, Kryemadhi: Akuzat e Tahirit pa vlerë

“Akuzat e Saimir Tahirit ndaj opozitë janë të pa vlera, pasi ai është njeriu që kanabizoi Shqipërinë”, – deklaroi kryetarja e LSI, Monika Kryemadhi në një deklaratë për mediat, para Kuvendit.

E pyetur për dorëheqjen e Saimir Tahirit, Kryemadhi tha se dorëheqja e tij është për t’i dhënë oksigjen qeverisë.

“Saimir Tahiri është një nga ushtarët e drogës dhe kërkon t’i japë oksigjen qeverisë, por nuk mund t’u hedhë hi syve shqiptarëve dhe opozitës. Lotët e krokodilit të Tahirit nuk janë gjë tjetër vetëm një shfaqje e shëmtuar. Ne e dimë se kanabizimi i Shqipërisë solli varfëri të shqiptarëve, shpërnguljen e tyre dhe kriminalizimin në vend”, – tha Kryemadhi.

Përsa i përket akuzave të Saimir Tahirit ndaj çiftit Meta dhe drejtuesve të opozitës, Kryemadhi tha se është një fat i madh që opozita akuzohet nga një njeri, i cili komuniteti ndërkombëtar e di se kanabizoi vendin.

“Bërja kurban vetëm për dy orë të Saimir Tahirit, tregon se drejtësia shqiptare është e kapur nga politika”, – shtoi Kryemadhi.

Ndërsa, e pyetur për zgjedhje të parakohshme, Kryemadhi tha se opozita është gati, 27 janari e tregoi se kush është opozita dhe ne do t’i vazhdojmë protestat.

PS, Balla: Dorëzimi i mandatit nga Tahiri, vendim personal

Kreu i grupit parlamentar të PS-së, Taulant Balla komentoi për mediat vendimin e Saimir Tahirit për të dorëzuar mandatin e deputetit.

Balla u shpreh se vendimi i Saimir Tahirit për të dorëzuar mandatin e deputetit është personal dhe është një çështje që i përket atij dhe drejtësisë.

“Vendim tërësisht personal i Saimir Tahirit që e respektojmë tërësisht dhe dua të ripërsëris atë që kemi thënë këtu e 6 muaj më parë, që kjo është një çështje tërësisht mes Saimir Tahirit dhe drejtësisë. As e jona, dhe kurrësesi e kësaj opozite gojështhurur që në çdo mundësi që i jepet gjen argumenta për të ndërtuar baltën e radhës ndaj punës së rëndësishme që ka imazhi i Shqipërisë në rrugën drejt hapjes së negociatave”, – tha Balla.

PD, Basha: Dorëzimi i mandatit të Tahirit, manovër politike

“Dorëzimi i mandatit të Tahirit ka ardhur pas presionit që iu bë Kryeministrit në Berlin”, – deklaroi Kryetarit i PD-së Lulzim Basha, në një deklaratë për mediat.

Basha shprehet se “dorëzimi i mandatit nga Saimir Tahiri është vazhdim i paktit Rama-Tahiri. Është fakt se dorëheqja nga mandati erdhi pas presionit direkt që iu bë Kryeministrit në Berlin, ku iu tha se është e patolerueshme mbrojtja politike që i bëhet Saimir Tahirit me imunitet parlamentar kundër veprimeve të drejtësisë”.

Sipas Bashës, Tahiri shkoi në Kuvend për të mbrojtur mandatin e deputetit. “Më 19 prill Saimir Tahiri mori pjesë në seancë plenare pas 6 muajve mungesë për të shpëtuar mandatin e deputetit. Çfarë ndryshoi këto dy javë? Asgjë, përveç vizitës së Kryeministrit në Berlin dhe premtimit se do ta zgjidhte problemin e imunitetit të Tahirit”.

Po ashtu, sipas Bashës dorëzimi i mandatit nga Tahiri është manovër politike dhe për faksin se prokuroria është nën kontroll të politikës. “Dorëzimi i mandatit të Saimir Tahirit është manovër politike pasi Kryeministri ka futur nën kontroll të plotë Prokurorinë”, – shprehet Basha.

PD, Spaho: Dorëzimi i mandatit nga Tahiri pasi u prishën provat

Për dorëzimin e mandatit nga ish-ministri i Brendshëm Saimir Tahiri, Kryetari i Grupit Parlamentar të Partisë Demokratike, Edmond Spaho tha se dorëzimi ndodhi kur janë prishur provat.

“Po sigurisht që ju sot mund ta jepni e ta falni mandatin sepse jeni të pastër si qelibar dhe nuk keni frikë të shkonin tek drejtësia, por pasi prishët provat. 4-5 muaj prishët të gjitha provat e hetimit, sigurisht, pasi e liruat Orest Sotën, i humbi të gjitha gjurmët, pasi ikën ata tre oficerët e policisë në emigracion dhe pasi e çuat Nazer Seitin në Itali që të mos ketë mundësi të deponojë. Dhe tani bëni një farsë tjetër që na jepni imunitetin e Saimir Tahirit me deklarata”, – pohoi Spaho. (Sipas ATSh)

Ish ministri i Brendshëm Saimir Tahiri, aktualisht nën hetim për trafik droge dha dorëheqjen si anëtar i parlamentit të enjten duke pretenduar se pëlqen të përballet me drejtësinë si qytetar i thjeshtë.
Nga Gjergj Erebara, BIRN

Gjashtë muaj pasi Partia Socialiste përdori shumicën e vet parlamentare për të bllokuar kërkesën e prokurorisë për arrestimin e tij si i dyshuar për trafik droge, ministri më jetëgjatë i punëve të brendshme në Shqipëri Saimir Tahiri deklaroi të enjten se do të japë dorëheqjen si deputet, duke humbur privilegjin e imunitetit nga arrestimi.

“Deri kur të zbarthet e vërteta e plotë, unë nuk do të jem deputet por një qytetar i thjeshtë si mbi 2 milionë shqiptarët e tjerë,” tha ai në një konferencë për shtyp në mjediset e Kuvendit të Shqipërisë.

Tahiri, 39 vjeç, u zgjodh deputet nga lista e Partisë Socialiste në vitin 2009 dhe u bë Ministër i Brendshëm nën qeverinë e parë Rama më 2013. Si ministër ai u bë i njohur për spektaklet në marrëdhënie publike dhe për punësimin e kameramanëve të vetë si dhe për parada policore të koreografuara. Suksesi i tij në shtypjen e Lazaratit më 2014, të njohur si kryeqyteti i kanabisit për Europën, i dha atij lavde ndërsa disa analistë filluan ta shohin si një pasardhës të mundshëm të Ramës në rolin e kryetarit të Partisë Socialiste. Gjithsesi më 2015 ai u përball me akuza publike si person i përzjerë në mënyrë aktive në trafikun e drogës. Dritan Zagani, një ish-oficer policie, pretendoi se Tahiri kishte urdhëruar arrestimin e tij për shkak të hetimeve që ai kishte bërë mbi disa kushtërinj të largët dhe mbështetës të Tahirit të njohur si banda e Habilajve. Zagani, i cili u arratis nga Shqipëria për të kërkuar azil politik në Zvicër, deklaroi se Tahiri i kishte dhënë trafikantëve makinën e tij private në mënyrë që ata të mos kontrolloheshin nga policia. Një hetim nga prokuroria në atë kohë i gjeti pretendimet e Zaganit të pavërteta.

Tahiri u hoq si Ministër i Brendshëm më 2017 dhe u rizgjodh si deputet pak muaj më vonë. Gjithsesi, në tetor 2017, policia italiane arrestoi një nga vëllezërit Habilaj ndërsa përgjimet e tyre nxorrën në pah marrëdhënien mes Tahirit dhe bandës kriminale. Pas publikimit të përgjimeve italiane, prokurorët shqiptarë kërkuan nga parlamenti leje për arrestimin e tij. Shumica Socialiste në Kuvendin e Shqipërisë e hodhi poshtë kërkesën si të pabazë dhe të motivuar politikisht. Gjithsesi, Rama u përball me presion në rritje gjatë muajve që pasuan për qëndrimin e tij ndaj kësaj çështjeje.

Javën e kaluar Rama vizitoi Gjermaninë duke shpresuar se do të merrte mbështetje për hapjen e bisedimeve për anëtarësim mes Shqipërisë dhe BE-së. Anëtarë të Bundestagut e pyetën atë mbi kërkesën e prokurorëve për arrestimin e Tahirit, gjë që u interpretua në Shqipëri si një pengesë e mundshme për integrimin e Shqipërisë në BE.

Duke pretenduar se është viktimë e rrethanave, Tahiri thotë se ka një shpjegim për përdorimin e makinës së tij nga anëtarët e Habilajve dhe se ai po luftohet në mënyrë agresive nga opozita për shkak të suksesit të tij në luftën kundër drogës dhe korrupsionit.

“Si qytetar i thjeshtë, vetëm me të drejtën time, familjen, miqtë dhe të gjithë ata që besojnë tek mua, do të përballem me prokurorinë, gjykatën, drejtësinë dhe ligjin. Siç do përballem me palaçot në politikë që kanë vjedhor këtë popull e sot shesin dëngla,” tha Tahiri. (Reporter.al)

Ishte duke lozur me fëmijë të tjerë kur është ndier keq dhe brenda një ore ka vdekur. Prokurori nis hetimet

Romë, 9 prill 2018 – Një festë mes miqsh është shdërruar në tragjedi të vërtetë për një familje italo-shqiptare pasditen e djeshme në Messina. Një vogëlushe 5-vjeçare po luante me bashkëmoshatarët e saj kur papritur është ndier keq dhe i janë shfaqur disa njolla në lëkurë. Vajza e vogël është çuar me urgjencë në spital por mjekët nuk kanë mundur ta shpëtojnë dot. Ka vdekur për arsye akoma jo të qarta, mbi të cilat prokuroria e Messinës ka nisur hetimet dhe ka vendosur të bëhet autopsia.

Nga mediat lokale që përcjellin lajmin mësohet se vogëlushja, me nënë italiane e baba shqiptar, ishte bashkë me ta në një festë në një lokal në Saponara, lokalitet i Messinës dhe aty ka pasur simptomat e para. Prej aty është çuar menjëherë në Poliklinikën e Messinës ku mjekët e urgjencës pediatrike e kanë intubuar menjëherë. Për rreth një orë janë përpjekur të mbajnë vajzën në jetë por pa rezultat: vogëlushja ka pasur disa arreste kardiake e ka ndërruar jetë.

Pas ngjarjes policia ka nisur menjëherë të hetojë. Dyshohet që shkak për vdekjen të ketë qenë një shok anafilaktik, por saktësinë e këtij supozimi mund ta sqarojë vetëm autopsia e autorizuar nga prokuroria.

 

Roma e Milano janë aeroportet nga ku vijnë e shkojnë numri më i madh i udhëtarëve të Rinasit. Analiza e revistës Monitor për vitin e shkuar

Romë, 11 mars 2018 – Trafiku i pasagjerëve në Aeroportin e Rinasit ka ardhur në rritje vit pas viti, për të arritur në një rekord prej 2,6 milionë pasagjerësh në vitin 2017 (+20% në lidhje me një vit më parë) sipas të dhënave nga Tirana International Airport (TIA). Këtë e shumë të dhëna të tjera interesante mbi kompanitë që udhëtojnë nga e drejt Rinasit, destinacionet më të lidhura me aeroportin e vetëm shqiptar dhe numrin e udhëtarëve sipas çdo destinacioni jep shkrimi “Gara për ajrin, kush e fitoi në 2017-tën” i të përjavshmes ekonomike shqiptare, revista Monitor.

Sipas këtij shkrimi është Italia ajo që prej vitesh vazhdon të mbajë vendin e parë qoftë për numër lidhjesh e qoftë për numër pasagjerësh. E prej falimentimit të shqiptares Belle Air, është italiane edhe kompania më e pranishme në Rinas.
Ja çfarë shkruan Monitor:

Në vitin 2002, rreth 50% të tregut të fluturimeve dhe të numrit të pasagjerëve, e zinte kompania Belle Air, që kishte fluturime të shumta direkte drejt qyteteve italiane. Por, pas falimentimit të saj në fund të vitit 2013, tregu u rikonfigurua dhe operatorë të rinj kanë hyrë, duke ndarë, së bashku me kompaninë Alitalia, tregun e Italisë.

Në fund të vitit 2017, sipas të dhënave nga TIA-s, Blue Panorama, operatori italian që zëvendësoi Belle Air, kishte 29% të tregut total të fluturimeve, nga 30% vitin e mëparshëm.

Pas saj renditet Alitalia, me 11% të tregut. Kjo kompani ka humbur vazhdimisht terren dy vitet e fundit (zinte 31% të tregut në vitin 2015), pasi ka shkurtuar destinacionet e drejtpërdrejta me disa qytete të Italisë. Krahas kompanive Blue Panorama dhe Alitalia në 2017-tën forcuan pozitat në tregun e Italisë edhe Albaëings me 8% të totalit (nga 2% vitin e mëparshëm) dhe Ernest Airlines dhe Mistral Air me përkatësisht 6% dhe 3%.

Trafiku i pasagjerëve sipas aeroporteve italianeDestinacionet drejt Italisë zinin 57% të tregut total të fluturimeve në 2017-n, e pandryshuar në krahasim me vitet e mëparshme.

Destinacioni kryesor nga dhe drejt Rinasit për vitin 2017 ishte Roma, me 323 mijë pasagjerë, me rritje prej 7,6% me bazë vjetore. Duhet kujtuar që Roma shërben jo vetëm si destinacion i drejtpërdrejtë, por edhe si tranzit për të udhëtuar në Europë dhe jashtë saj.
Destinacioni i dytë ishte Milano, me 267 mijë pasagjerë, me rritje 27% në krahasim me një vit më parë. Në total, pasagjerët nga dhe drejt Italisë ishin gati 1,5 milionë në vitin 2017 (rritje 18,4%), ose 62% e totalit.

Stambolli ishte në vend të tretë, me 235 mijë pasagjerë (16% rritje). Edhe Stambolli është bërë konkurrues vitet e fundit si një destinacion tranzit, kryesisht drejt SHBA-së, por edhe vendeve aziatike. Vjena mbetet pika kryesore e kalimit drejt gjithë Europës e jashtë saj. Në vitin 2017, nga dhe drejt aeroportit të Vjenës udhëtuan rreth 174 mijë pasagjerë, me një rritje prej 9,6% në krahasim me 2016-tën.

Më pas u renditën qytetet e Italisë, si Piza, Bergamo, Bolonja, Verona, ku (aty e në zonat përreth) jetojnë e punojnë dhjetëra mijëra emigrantë.

Nga e drejt Athinës udhëtuan rreth 84 mijë pasagjerë (numri është i ulët edhe për faktin që qytetet e Greqisë janë përgjithësisht të arritshme përmes kufirit tokësor).

Artikulli i plotë i revistës Monitor: Gara për ajrin, kush e fitoi në 2017-n

 

 

 

“Ti grua, për 8 Marsin, a e ke një interpretim tëndin?”
Nga Adela Kolea

Fjalëve të kryeministrit Rama: “Rekomandimin e meritojmë, shpresojmë që vendet anëtarë do të përgjigjen pozitivisht. Detyrat e shtëpisë i kemi kryer deri në këtë pikë”, Presidenti i Komisionit Europian, Jean Claude Juncker, për vizitë zyrtare në Tiranë, i përgjigjet: “Konstatoj që Shqipëria ka bërë shumë reforma mbresëlënëse, progresi është mbresëlënës, nëse vijon kështu, KE do të rekomandojë hapjen e negociatave, por nuk kam ardhur në Tiranë për të bërë premtime boshe"

Tiranë, 25 shkurt 2018 – “E besojmë dhe e meritojmë rekomandimin e plotë dhe të pastër nga KE dhe shpresojmë që edhe vendet anëtare do të përgjigjen pozitivisht dhe në unitet”, deklaroi kryeministri Edi Rama në konferencën e përbashkët për shtyp me Presidentin e Komisionit Europian, Jean Claude Juncker, i cili mbërriti në vizitë zyrtare pasditen e së dielës në Tiranë, i shoqëruar edhe nga komisioneri për Zgjerimin, Johannes Hahn, të cilët kanë mbërritur pasditen e të dielës në në Tiranë.

Kjo vizitë, tha Rama, është përmbushja e një zotimi të vjetër, por të mbajtur në çastin më të mirë të mundshëm. Vjen pak kohë përpara momentit të vendimmarrjes për rekomandimin e Komisionit Europian për çeljen e negociatave me Shqipërinë dhe pak pas publikimit të strategjisë së re të zgjerimit që përbën një bazë inkurajuese për të gjitha vendet e rajonit tonë.

“Ne u takuam në dhjetor në Bruksel dhe sot pata mundësinë dhe privilegjin ta informoj nga afër Presidentin për zhvillimet e reja, ecurinë e reformave dhe vendosmërinë e Shqipërisë për të vijuar të jetë nga njëra anë në një proces intensiv përafrimi me BE përmes punës së përditshme në vendin tonë dhe nga ana tjetër një aktor konstruktiv për nxitjen e bashkëpunimit rajonal dhe garantimin e fqinjësisë së mirë për gjithë rajonin”, shtoi kryeministri.

”Shqipëria është e vendosur të vijojë, nga njëra anë, në një proces intensiv përafrimi me BE-në përmes punës së përditshme, dhe, nga ana tjetër, të jetë aktor konstruktiv për nxitjen e bashkëpunimit rajonal dhe garantimin e marrëdhënieve të fqinjësisë së mirë në të gjithë rajonin” vazhdoi më tej Rama.

Duke kujtuar se KE ka rekomanduar që në nëntor 2016 çeljen e negociatave të anëtarësimit mes BE dhe Shqipërisë, Rama nënvizoi domosdoshëmrinë e çuarjes përpara të reformës në drejtësi dhe zbatimin konkretisht të procesit të vettingut.

“Në momentin e daljes së atij rekomandimi ne ende nuk kishim kaluar ligj për vetting-un gjë që tashmë ka ndodhur dhe nuk kishim nisur punën konkrete për vetting-un, gjë që po ndodh”, sqaroi kreu i qeverisë.

Rama tha se e informoi Juncker, se “sot që flasim ne numërojmë plot 17 prokurorë dhe gjykatës të niveleve të larta të gjyqësorit që janë tërhequr nga procesi i vetting-ut, që faktikisht nuk do të jenë më pjesë e sistemit gjyqësor një treg i qartë që vetting-u ka filluar të funksionojë si shtysë e fuqishme drejt realizimit të objektivave të një sistemi drejtësie të ri dhe të pavarur”.

Nga ana tjetër, vijoi kryeministri, e informova po ashtu presidentin Juncker se “presim në javët në vazhdim çeljen e çështjeve konkrete dhe rezultate konkrete nga ana e vetë komisoneve të vetting-ut”.

Gjithashtu, kryeministri Rama informoi se kanë nisur operacioni kombëtar kundër krimit të organizuar “Forca e ligjit”, reforma që lehtëson barrën e burokracisë mbi qytetarët  me efekt të drejtpërdrejtë në luftën kundër korrupsionit dhe një transformim  rrënjësor në marrëdhëniet e drejtësisë me qytetarët në radhë të parë përmes ndryshimit të prokurorit të përgjithshëm dhe çeljes së një sërë dosjesh që prej kohësh flinin në prokurori.

“Vendosmëria jonë mbetet e palëkundur sepse vetëdija jonë është se reformat e integrimit nuk janë të domosdoshme se na i kërkon Brukseli, nuk janë të detyrueshme se na i kërkon Brukseli, por janë të domosdoshme dhe të detyrueshme se i kërkon Shqipëria dhe është borxhi që i kemi gjeneratës tjetër. Ky është një proces unikal i pazëvendësueshëm për shtetbërjen dhe funksionimin e institucioneve demokratike në vendin  tonë. Për ne integrimi në BE nuk është një udhëtim për të shkuar gjetkë, por është një përpjekje për të ndërtuar Shqipërinë europiane këtu në vendin tonë”, u shpreh kryeministri Rama.

Juncker: Shqipëria vazhdon progresin në reforma

Presidenti i Komisionit Europian, Jean Claude Juncker, ka vlerësuar reformat e ndërmarra nga qeveria shqiptare, të cilat e afrojnë vendin me Bashkimin Europian.

“Bisedimet kanë nisur më parë. Kur erdha në vizitën e parë në Tiranë, kryeministri ishte kryebashkiak dhe dëgjova rezervat që shprehën të tjerët për të. Shqipëria dhe Ballkani janë vende miq, që janë perspektivë evropiane, pasi Shqipëria është një vend evropian, jemi ndarë nga historia, por nuk duhet humbur kaq shumë kohë për t’u ndarë. Bëhet fjalë për ta rishikuar historinë përmes pajtimit. Konstatoj që Shqipëria nuk pushon së akumuluari progres, ka bërë shumë reforma mbresëlënëse, progresi është mbresëlënës. Nëse vijon kështu, KE do të rekomandojë hapjen e negociatave. Nuk kam ardhur për të bërë premtime boshe, por vetëm mund të inkurajoj Shqipërinë që të vijojë reformat, sidomos në luftën kundër krimit, vetting-un, organizimin e gjykatave. Do të jemi përkrah Shqipërisë për ta ndihmuar të përgatisë anëtarësimin. Mbështesim Shqipërinë edhe në përmirësimin e marrëdhënieve me vendet e Ballkanit Perëndimor. Rikonfirmoj, se vendi i Shqipërisë është në gjirin e BE” deklaroi ai.

Duke u ndalur procesi i Vetting-ut, presidenti i KE u shpreh: “Konstatoj se procesi po vazhdon duke dhënë rezultate mbresëlënëse. Ajo që do të donim dhe ne jemi të siguruar nga ato çfarë na tha Kryeministri, që ky proces do të vazhdojë edhe përtej muajit prill, kur komisioni do të botojë materialin për shtetet kandidate për anëtarësimin në BE. Mendoj se i takon drejtësisë shqiptare që të bëjë drejtësinë e saj, nuk më takon mua të them se kush është fajtor e kush jo”, theksoi Juncker.

Marrëveshja e re me Greqinë dhe qëndrimi i Presidentit Meta

I pyetur nga gazetarët lidhur me negociatat me Greqinë dhe qëndrimin e Presidentit Meta, Rama tha se “Presidenti nuk e ka refuzuar dhënien e autorizimit, por ka kërkuar me të drejtën që i jep kushtetuta disa sqarime të shkruara lidhur me kërkesën e dërguar”.

”Sqarimet janë dhënë dhe janë në tryezën e Presidentit”, shtoi kryeministri ndërsa ftoi se “duhet ta shikojmë këtë proces me seriozitetin që meriton”.

“Kam besim se Presidenti do të bëjë detyrën dhe ne do të kemi kohën e nevojshme për të zgjidhur problemet e mbartura me Greqinë, të nënshkrimit të një marrëveshjeje të re që për ne do të jetë  i bazuar fund e krye te vendimi i Gjykatës sonë Kushtetuese. Nëse më pyesni a do të zgjidhet me sukses ky proces? Unë them po, do të zgjidhet. Do të jetë një tjetër arsye e fortë që BE të vlerësojë Shqipërinë si shtet serioz.

Juncker: Problemet me fqinjët të zgjidhen sa më shpejt

I pyetur nga gazetarët për çështjet e pazgjidhura mes Shqipërisë dhe Greqisë, presidenti Juncker theksoi se për t’u integruar në BE, ajo nuk duhet të ketë probleme me fqinjët.

“Jam i mendimit se problemet duhet të zgjidhen sa më shpejt të jetë e mundur. Kemi një dritare mundësish të hapura, duhet përdorur nga të dyja palët. Vendet e rajonit që kanë konflikte territoriale do të përpiqen t’i kalojnë dhe këto nuk mund të bëhen pas anëtarësimit, por përpara”, tha ai.

”Dua të inkurajoj Shqipërinë dhe Greqinë që të bien dakord, dhe ky është një element plus për të pranuar hapjen e negociatave kur të vijë momenti.

BE nuk i përket vetë anëtarëve që janë pjesë e saj. Dhe kur Shqipëria të ketë plotësuar të gjitha progreset që presim prej saj dhe që pret ajo nga vetvetja, anëtarësimi do të jetë diçka e kryer”.

Juncker: Nuk kemi thënë se Serbia dhe Mali i zi , do të jenë detyrimisht anëtare të BE në vitin 2025

Pyetjes se përse Shqipëria nuk ishte përfshirë në listën e përmendur nga ky komision për hapjen e negociatave në vitin 2025, Jancker theksoi se anëtarësimi i drejtohet të gjitha vendeve, pra mund të jetë ajo datë më shpejt ose më vonë, kushdo vend do t’i ketë plotësuar kriteret e anëtarësimit.

“Në të kundërt se çfarë thuhet kudo, ne vetë nuk kemi thënë se Serbia dhe Mali i zi , do të jenë detyrimisht  anëtare të BE në vitin 2025. Anëtarësimi i drejtohet të gjitha vendeve, pra mund të jetë ajo datë më shpejt ose më vonë, kushdo  vend do t’i ketë plotësuar kriteret e anëtarësimit. Ne do të veprojmë në mënyrë të tillë që përpjekjet e çdo vendi të njihen nga bashkimi. Nuk është momenti të thuhet dhe të shkruhet se Shqipëria do të trajtohet në mënyrë të keqe dhe  pafavorshme, ne duam t’i mbështesim përpjekjet e Shqipërisë”, theksoi Juncker.

Presidenti i Komisionit Europian, Jean Claude Juncker, dhe komisioneri për Zgjerimin, Johannes Hahn do të qëndrojnë në Shqipëri deri mesditën e së hënës për të zhvilluar me drejtuesit më të lartë të shtetit shqiptar.
Juncker dhe Hahn do të vendosin theksin gjatë vizitës në Shqipëri te zbatimi i reformës në drejtësi në prag të rekomandimit të hapjes së negociatave, që pritet të mbërrijë në qershor.

 

Sipas komisionerit Johannes Hahn, “Komisioni Europian do të rekomandojë nisjen e negociatave me Shqipërinë dhe Republikën e Maqedonisë, duke zgjeruar ndikimin e bllokut në Ballkanin Perëndimor”

Tiranë, 22 shkurt 2018 – Gjatë javëve në vijim Komisioni Europian do t’u rekomandojë vendeve anëtare të hapin negociatat e anëtarësimit me Shqipërinë dhe Meqedoninë, shkruan ”Die Welt”. Këtë zhvillim e ka deklaruar për të përditshmen gjermane komisioneri i Zgjerimit të Bashkimit Europian, Johannes Hahn.

"Komisioni Europian shpejt do t’u rekomandojë vendeve anëtare, me shumë gjasa brenda verës, të hapin negociatat e anëtarësimit për Shqipërinë dhe Republikën ish-Jugosllave të Maqedonisë”, deklaron Johannes Hahn.

"Popujt e dy vendeve e meritojnë një perspektivë konkrete evropiane” thotë Hahn duke shtuar se Komisioni beson se “dy vendet kanë kryer reforma të rëndësishme në të kaluarën dhe janë gati për këtë hap”.

Në veçanti për Shqipërinë, kandidate prej 2014-tës, komisioneri thotë se ajo “ka bërë shumë në luftën kundër krimit të organizuar”.

Shqipëria dhe Maqedonia, kjo e fundit kandidate prej vitit 2005, do t’u bashkohen kështu Malit të Zi dhe Serbisë, të cilat filluan bisedimet e pranimit në vitin 2012 dhe 2014 dhe mund të integrohen plotësisht në BE që nga viti 2025.

Mesazheve të shumta të përgëzimeve e urimeve drejtuar Ermal Metës pas triumfit me Fabrizio Moron në edicionin e 68-të të Festivalit të Sanremos , u bashkohet edhe përshëndetja e ambasadores së Shqipërisë në Romë, zonja Anila Bitri.  Artistit i dërgon një mesazh me të cilin e përgëzon jo vetëm si artist por edhe për “angazhimin në temat e çështjet e kohës që jetojmë”. Suksesi i Ermalit, kujton ambasadorja Bitri “është shprehje e modelit më të mirë të fitores së vlerës së një kulture të re të përbashkët që ngrihet mbi frikën dhe paragjykimet, në luftën kundër dhunës dhe terrorizmit”.
Në vijim teksti i plotë i mesazhit të ambasadores:

I dashur Ermal,

Urime dhe përgëzime për Çmimin e Parë të Festivalit të Sanremos 2018!

Në këtë shfaqje të bukur disaditore të muzikës, artit dhe kulturës italiane ju dëshmuat përsëri, talentin, pasionin dhe angazhimin tuaj, tashmë të rritur e të pjekur, jo vetëm si artist, por edhe si person i angazhuar në temat dhe çështjet e kohës që jetojmë!

Zërat, fjala dhe kënga e duetit Ermal Meta & Fabrizio Moro transmetojnë refrenin, ritmin, forcën dhe angazhimin që thërret për të mposhtur frikën dhe për të mbrojtur vlerat, të bukurën dhe jetën.

Suksesi i “Non mi avete fatto niente” është shprehje e modelit më të mirë të fitores së vlerës së një kulture të re të përbashkët që ngrihet mbi frikën dhe paragjykimet, në luftën kundër dhunës dhe terrorizmit”.

Edhe një herë, urime dhe faleminderit për emocionet!
Anila Bitri

Leggi anche:
Ermal Meta e Fabrizio Moro, i vincitori di Sanremo 2018
Ermal Meta e Fabrizio Moro restano in gara

Ermal Meta, Fabrizio Moro e la loro canzone contro il terrorismo

 

 

 

 

Secondo l'ISTAT, sarebbero 224 mila gli stranieri diventati italiani durante il 2017

Roma, 8 febbraio 2018 – Al 1° gennaio 2018 si stima che siano 5 milioni e 65 mila gli stranieri residenti in Italia. Lo dice ISTAT che pubblica oggi i dati sugli indicatori demografici del paese.

La popolazione ammonta a 60 milioni 494mila residenti, quasi 100mila in meno sull’anno precedente (-1,6 per mille). La popolazione di cittadinanza italiana scende a 55 milioni 430mila (-113mila residenti). Per i cittadini italiani risulta negativo sia il saldo naturale (-241mila) sia il saldo migratorio con l’estero (-72mila).

Gli stranieri residenti in Italia al 1° gennaio 2018 sono 5 milioni 65mila e rappresentano l’8,4% della popolazione residente, dato vicino a quello del 2017 (8,3%). L’incremento è di soli 18mila unità.

Per gli stranieri risulta positivo il saldo naturale (+58mila): nel 2017 si stimano tra gli stranieri 66mila neonati e 7mila 200 decessi. Positivo è anche il contributo dei movimenti con l’estero: 296mila immigrazioni contro 40mila emigrazioni conducono il saldo migratorio estero dei cittadini stranieri al valore di +256mila unità, in crescita rispetto a quello registrato nel 2016 quando il saldo era +220mila.

Ma il rallentamento nella crescita della popolazione straniera si deve, principalmente, alle acquisizioni della cittadinanza italiana, le cui cifre stanno raggiugendo gli ultimi anni valori importanti: da 35mila acquisizioni nel 2006 si è pervenuti a 202mila nel 2016. Sulla scia di tale progressione, si stima che nel 2017 si ci possano essere 224mila acquisizioni. E se il peso degli albanesi nelle acquisizioni di cittadinanza italiana rimane più o meno quello degli anni scorsi, è ragionato pensare che nel 2017  siano diventati italiani 40-45 mila persone.

Shqiptari i Italisë
(Ndiqni Shqiptariiitalise.com edhe në Facebook dhe Twitter)