Alex 6-vjeçar, i biri i një çifti shqiptar në New York, prek Obamën e Okb-në - Shqiptari i Italisë

Lifestyle

Alex 6-vjeçar, djali i dy prindërve shqiptarë, që jeton me ta e një motër në New York i shkruan presidentit Barack Obama: “Më ndihmo të sjellim në shtëpinë tonë Omran Daqneesh. Ne do të bëhemi familja e tij dhe ai do të jetë vëllai ynë”. Lajmin e jep vetë presidenti me një mesazh e një video në facebook ku pohon se i ka ndarë fjalët prekëse të vogëlushit edhe në samitin e fundit të Kombeve të Bashkuara.

Ja çfarë shkruan presidenti Obama për të:

“Alex është vetëm 6 vjeç. Muajin e kaluar, ashtu si shumë njerëz në botë, ai u prek nga pamjet zemërthyese të Omran Daqneesh, një djalë 5 vjeçar në Aleppo, Siri, ulur në një ambulancë, i tronditur teksa fshinte gjakun nga duart e tij.
Alex u ul dhe më shkroi një letër. Këtë javë, në samitin e Kombeve të Bashkuara për refugjatët unë ndava me të gjithë botën fjalët prekëse të Alexit. Ai më tha se donte që Omrani të vinte dhe të jetonte me familjen e tij. Ai donte ti jepte biçikletën e vet dhe ta mësonte si ta ngiste atë. Ai tha se motra e tij do mblidhte flutura për të. “Ne mund të luajmë të gjithë bashkë,” shkruante ai. “Ne do të bëhemi familja e tij dhe ai do të jetë vëllai ynë.”
Këto janë fjalët e një djali 6 vjeçar – një djalë i vogël që nuk ka mësuar të jetë cinik, apo dyshues apo të ketë frikë nga njerëzit e tjerë për shkak të vendit nga ata vijnë, për shkak të pamjes së tyre apo të mënyrës se si luten.
Ne të gjithë duhet të jemi si Alexi. Përfytyroni si do të dukej bota po të ishim të tillë. Përfytyroni sa vuajtje do të kursenim dhe sa jetë do të shpëtonim.
Dëgjoni Alexin teksa lexon letrën e tij dhe reflektoni se përse unë e ndava atë me të gjithë botën.”
Presidenti Barack Obama