Të jetosh në Itali - Shqiptari i Italisë

Kërkesat paraqiten online. Formularët që duhen përpiluar sipas llojit të autorizimit që kërkohet

Romë, 23 janar 2018 - Nga ora 9:00 e mëngjesit të sotëm mund të nisen kërkesat për hyrjet e punonjësve josezonalë dhe për konvertimet e ndryshme të lejeve të qëndrimit, përpilimi i të cilave është i mundur prej të enjtes së shkuar.

Gjithçka bëhet online përmes portalit të ministrisë së Brendshme https://nullaostalavoro.dlci.interno.it/, personalisht apo me ndihmën e patronateve. Për paraqitjen e kërkesës ka kohë deri në 31 dhjetor e nuk është e nevojshme të nxitohet për të qenë mes të parëve: përvoja e viteve të fundit ka treguar se kuotat në dispozicion janë për kategori aq të veçanta sa është thuajse e pamundur të përdoren si të ishte fjala për sanatore dhe është vështirë se mund të mbarojnë shpejt.

Për të kuptuar nëse mund dhe si të paraqisni kërkesë është mirë t’i hidhet një sy tekstit të dekretit të flukseve 2018 për të kuptuar se kush mund të vijë në Itali e kush mund të konvertojë një leje qëndrimi.

Modelet e formularëve që duhen përpiluar online sipas tipit të kërkesës:

Formularët A dhe B për punonjësit me origjinë italiane rezidentë në Argjentinë, Uruguaj, Venezuelë dhe Brazil;

Formulari BPS për kërkesa emërore autorizimesh të rezervuara për punësimin e punonjësve që kanë marrë pjesë në projekte speciale;

Formulari LS për konvertime lejesh qëndrimi BE për qëndrues afatgjatë të lëshuara nga vende të tjera europiane në leje qëndrimi për punë të varur;

Formulari LS1 për kërkesa autorizimesh për punë shtëpiake për të huaj titullarë lejesh qëndrimi BE për qëndrues afatgjatë të lëshuara nga vende të tjera europiane;

Formulari LS2 për konvertime lejesh qëndrimi BE për qëndrues afatgjatë të lëshuara nga vende të tjera europiane në leje qëndrimi për punë të pavarur;

Formulari VA për konvertime lejesh qëndrimi për studime, praktikë pune dhe/ose formim profesional në leje qëndrimi për punë të varur;

Formulari VB për konvertime lejesh qëndrimi për punë sezonale në leje qëndrimi për punë të varur;

Formulari Z për konvertime lejesh qëndrimi për studime, praktikë pune dhe/ose formim profesional në leje qëndrimi për punë të pavarur.

Ndërsa duke filluar nga nesër në mëngjes në orën 9.00 do të vihen në dispozicion formularët e nevojshëm për përpilimin e kërkesave për të sjellë në Itali 18 mijë punonjësit sezonalë që parashikon dekreti i flukseve i këtij viti.

Shqiptariiitalise.com
Lexo edhe:
Mbërrin dekreti i flukseve 2018. Autorizon 30.850 ardhje dhe konvertime
Flukset 2018. Përgatiten kërkesat për punonjësit josezonalë dhe për konvertimet
Dekreti i flukseve 2018, teksti në Gazetën Zyrtare

 

 

 

Janë rreth 2.600 shqiptarë në burgjet e Italisë, një e pesta e tyre në ato të Lombardisë

Nga sot përpilimet e kërkesave në portalin e ministrisë së Brendshme, por për nisjet duhet pritur 23 janari.
Formularët që duhen përpiluar sipas tipit të autorizimit që kërkohet

Romë, 18 janar 2018 – Nis faza e parë e flukseve 2018. Nga mëngjesi i sotëm është e mundur të përpilohen dhe të ruhen në portalin e ministrisë së Brendshme https//:nullaostalavoro.dlci.interno.it. kërkesat për hyrjet e punonjësve josezonalë dhe për konvertimet e lejeve të qëndrimit, që do të mund të nisen nga mëngjesi i të martës, 23 janar. Gjithçka mund të bëhet vetë ose me ndihmën e një patronati.

Do të jetë e mundur të paraqiten kërkesa deri më 31 dhjetor 2018. Kujdes: edhe këtë vit kuotat në dispozicion janë të rezervuara për kategori shumë të veçanta. Për këtë arsye, nuk do të mbarojnë menjëherë ndaj nuk është  e nevojshme të nxitohet.

Është e udhës të theksohet që dekreti i flukseve nuk është sanatore dhe lloji i shumicës së kuotave të vëna në dispozicion nga qeveria italiane nuk lejojnë të shfrytëzohen për të pajisur me leje qëndrimi ata që jetojnë tashmë në Itali e janë të punësuar në të zezë, për shembull, bashkëpunëtoret familjare (colf e badanti).

Ja formularët që duhen përdorur sipas tipit të kërkesës që paraqitet: 

Formularët A dhe B për punonjësit me origjinë italiane rezidentë në Argjentinë, Uruguaj, Venezuelë dhe Brazil;

Formulari BPS për kërkesa emërore autorizimesh të rezervuara për punësimin e punonjësve që kanë marrë pjesë në projekte speciale;

Formulari LS për konvertime lejesh qëndrimi BE për qëndrues afatgjatë të lëshuara nga vende të tjera europiane në leje qëndrimi për punë të varur;

Formulari LS1 për kërkesa autorizimesh për punë shtëpiake për të huaj titullarë lejesh qëndrimi BE për qëndrues afatgjatë të lëshuara nga vende të tjera europiane;

Formulari LS2 për konvertime lejesh qëndrimi BE për qëndrues afatgjatë të lëshuara nga vende të tjera europiane në leje qëndrimi për punë të pavarur;

Formulari VA për konvertime lejesh qëndrimi për studime, praktikë pune dhe/ose formim profesional në leje qëndrimi për punë të varur;

Formulari VB për konvertime lejesh qëndrimi për punë sezonale në leje qëndrimi për punë të varur;

Formulari Z për konvertime lejesh qëndrimi për studime, praktikë pune dhe/ose formim profesional në leje qëndrimi për punë të pavarur;

Shqiptariiitalise.com
Lexo edhe:
Mbërrin dekreti i flukseve 2018. Autorizon 30.850 ardhje dhe konvertime
Dekreti i flukseve 2018, teksti në Gazetën Zyrtare
23 janar 2018. Nga sot nisen kërkesat për punonjësit josezonalë dhe konvertimet

 

 

 

Është botuar në Gazetën Zyrtare dekreti i flukseve 2018. Thuajse të gjitha kuotat u dedikohen punonjësve sezonalë dhe atyre që jetojnë në Itali e duan të konvertojnë lejen e qëndrimit. Nga 23 janari nis paraqitja e kërkesave

DECRETO DEL PRESIDENTE DEL CONSIGLIO DEI MINISTRI 15 dicembre 2017.
Programmazione transitoria dei flussi d’ingresso dei lavoratori non comunitari nel territorio dello Stato per l’anno 2018

INPS përcakton shumën vjetore të çekut social për vitin 2018. Është rreth 65 € më i lartë se në vitin 2017. Njëkohësisht ngrihet edhe mosha kur mund të kërkohet

Sot, dy vjet nga miratimi i reformës vetëm nga njëra degë e Parlamentit, protestohet sërish në shesh për të nxitur Senatin që të bëjë të vetën e të votojë reformën

Romë, 13 tetor 2017 – Plot dy vjet pas miratimit në Dhomë të deputetëve të reformës së Shtetësisë italiane, që do të lehtësojë marrjen e shtetësisë nga brezat e dytë, qindra mijëra të rinj e të reja të lindur dhe/apo të rritur në Itali, Senati akoma nuk ka gjetur “çastin e përshtatshëm” për ta votuar atë e për ta kthyer në ligj. E teksa legjislaturës i afrohet fundi, me reformën e shtetësisë bëhet propagandë (kundër) dhe rreth saj e pasojave konkrete që do të sjellë në shoqërinë italiane gënjehet e mashtrohet me qëllim dhe sistematikisht.

Çfarë parashikon reforma? Tekstin e miratuar në Dhomë të deputetëve e gjeni në këtë lidhje, ia vlen të lexohen 4 nenet që përmban.

Këtu po shpjegojmë pikat kryesore në gjuhën shqipe:

Fëmijët e lindur në Itali do të jenë italianë që kur vijnë në jetë nëse një prej prindërve ka lejeqëndrim BE për qëndrues afatgjatë ose “të drejtën e qëndrimit të përhershëm” (nëse janë shtetas të BE-së). Përndryshe, ashtu si fëmijët e tjerë që nuk kanë lindur në Itali por kanë ardhur këtu pa mbushur 12 vjeç, do të duhet të ndjekin më parë një apo më shumë cikle shkollore për të paktën pesë vjet e po të jetë fjala për filloren, duhet ta mbarojnë me sukses.

Për fitimin e shtetësisë do të nevojitet një "deklaratë dëshire" e paraqitur në Komunë nga prindërit, para mbushjes së moshës madhore të fëmijës, përndryshe ky mund ta paraqesë vetë nga mosha 18 deri në 20 vjeç. Gjithnjë në këtë moshë (nga 18 deri në 20 vjeç) i interesuari mund edhe të heqë dorë nga shtetësia italiane, me kusht që të ketë një tjetër.

Të tjera rregulla për të rinjtë që kanë ardhur në Itali brenda moshës 18 vjeçare. Do të mund të bëhen italianë pas gjashtë vjetësh rezidencë të rregullt dhe pasi të kenë ndjekur dhe përfunduar një cikël shkollor apo një rrugëtim shkollimi dhe formimi profesional. Por në këtë rast nuk flitet për një të drejtë të fituar, por për një dhënie shtetësie, pra që i nënshtrohet diskrecionalitetit të Shtetit.

Në tekst ka edhe një normë kalimtare për ata që sot i kanë mbushur 20 vjeç, dhe që ndërkohë i plotësojnë kriteret e parashikuara nga ligji i ri. Në fakt, do të mund të bëhen italianë të lindurit në Itali ose të ardhurit kur ishin nën moshën 12-vjeçare, nëse kanë ndjekur këtu për të paktën pesë vjet një apo më shumë cikle shkollore e kanë jetuar “në mënyrë të ligjshme e të pandërprerë gjatë pesë vjetëve të fundit në territorin italian”. 

Kush hyn në këtë kategori për të cilën është e vlefshme norma kalimtare, do të ketë vetëm një vit kohë nga ardhja në fuqi e reformës për të paraqitur në Komunë “deklaratën e dëshirës” për t’u bërë italian. Më pas do të duhet të presë që brenda gjashtë muajve ministria e Brendshme të japë pëlqimin e saj, pasi kjo të ketë verifikuar që në ngarkim të kërkuesit të shtetësisë në të kaluarën të mos ketë pasur mohim të shtetësisë, dëbim apo largim me forcë nga Italia për motive të sigurisë kombëtare.

K.B. Shqiptariiitalise.com

Lexo edhe:
Teksti i plotë i reformës së shtetësisë (në italisht) i miratuar në Dhomën e Deputetëve

Mashtrimet me reformën e shtetësisë

 

Edhe me lejeqëndrim të thjeshtë të vlefshëm për punë mund të përfitohen ndihmesat si bonusi bebe. E pohon përsëri një gjykatë, këtë radhë ajo e Fermos që urdhëron INPS-in “t’i japë  fund qëndrimit diskriminues” dhe t’i paguajë çiftit jo vetëm bonusin por edhe shpenzimet legale