Historive të tyre u kushtohet konferenca e programuar për në 12 nëntor në Tiranë
Romë, 7 nëntor 2011 – Bashkimi i Italisë dhe pavarësia e Shqipërisë, dy histori të ndryshme të lidhura nga një element i përbashkët: roli i luajtur nga arbëreshët, shqiptarët e Italisë, që kontribuuan në mënyrë vendimtare qoftë në Risorxhimentin italian, qoftë, pas pesëdhjetë vjetëve, në lindjen e shtetit shqiptar. Këmishëkuq krah Garibaldit e më pas ministra të mbretërisë së sapolindur të Italisë, janë disa arbëreshët që luajtën rolin protagonistit në historinë e bashkimit të Italisë, ashtu siç janë të shumtë ata që u përpoqën në linjë të parë për hedhjen e bazave të shtetit të ri të Shqipërisë në 1912-tën.
Historive të tyre u kushtohet konferenca e programuar për në 12 nëntor në Tiranë, e organizuar nga Instituti italian i Kulturës bashkë me krahinën Calabria, vendi i komuniteteve më të mëdha të arbëreshëve.
Konferenca, në të cilën do të marrin pjesë ekspertë italianë dhe shqiptarë do të ndalet në veçanti në figurat e Pasquale Scuras, magjistrat i shquar i thirrur nga Garibaldi për postin e ministrit të Drejtësisë dhe të Terenc Toçit, mazinian arbëresh që, pasi luftoi për pavarësinë e Shqipërisë, u bë, në fillim, ministër i Ekonomisë, e më pas, kryetar i Dhomës së deputetëve të Shqipërisë.
Me rastin e konferencës ambasadori italian në Tiranë, Saba d-Elia, do t’i dorëzojë kryetares së Kuvendit, Jozefina Topalli, disa vëllime të dhuruara nga Senati italian në kujtim të Paolo Pettas, funksionar arbëresh dhomës së lartë të parlamentit italian.
