PD: “Rama të heqë dorë nga presionet ndaj institucioneve”
Nuk vonoi deklarata nga selia e PD-së kundër fjakëve të Ramës
Po të shtunën, Partia Demokratike i kërkoi kryetarit të Partisë Socialiste, Edi Rama, të heqë dorë nga çdo lloj presioni ndaj institucioneve të pavarura kushtetuese dhe të pranojë rezultatin e zgjedhjeve, që buron nga zëri i qytetarëve.
“E dimë që është e pamundur për Edi Ramën të pranojë një rezultat ku ai ka humbur, por rezultati është rezultat”, u shpreh zëdhënësja e PD-së. Sipas saj, Edi Rama vazhdon të jetë i vetmi person, i cili bën presion dhe kërcënon institucionet në një përpjekje për të shkatërruar procesin ligjor, ndërsa përpiqet të errësojë dhe anatemojë vendimin unanim të një institucioni plotësisht jopolitik dhe të pavarur.
