Dëshmitarët: “Po luanin kur janë thithur nga një vorbull. Polumbarët nxjerrin njërën të pajetë
Dy vajza janë zhdukur sot pasdite në ujërat e lumit Po teksa luanin pranë bregut në lokalitetin Breme Lomellina të Pavias. Janë 10 e 11 vjeçe, shqiptare, kushërira me njëra-tjetrën. Trupi i njërës prej tyre sapo është gjetur nga polumbarët.
Sipas dëshmitarëve, vajzat ishin duke lozur kur janë thithur nga një vorbull. Me to ishte edhe një person i rritur që ka arritur të shpëtojë. Familjarët e persona të tjerë që ndodheshin në atë çast buzë lumit, janë vënë në kërkim por pa rezultat. Ndërkaq janë thirrur polumbarët e ndihmës së shpejtë, që vazhdojnë kërkojnë vajzën tjetër.
