Nga janari 2026, INPS do të ndryshojë mënyrën e pagesës së kontributeve për punën shtëpiake (colf, badante, baby sitter). Punëdhënësit nën 76 vjeç nuk do të marrin më me postë letrën vjetore dhe formularët e pagesës pagoPA për pagesat tremujore. Për t’i ndihmuar me kalimin te shërbimet online, ata do të kontaktohen me telefon nga operatorë të Call Center-it.
Vetëm për vitin 2026, punëdhënësit 76 vjeç e lart do ta marrin ende letrën vjetore në letër. Për marrëdhëniet e reja të punës, nuk do të jetë më e mundur të kërkohet kjo mundësi në format fizik.
Fletëpagesat pagoPA do të shkarkohen nga faqja e INPS, te Portali i Pagesave duke zgjedhur “Lavoratori Domestici”. Mund të hyni duke vendosur kodin fiskal dhe kodin e marrëdhënies së punës, ose me kredenciale digjitale (SPID/CIE/CNS/eIDAS). Nga portali do të jetë e mundur të printoni njoftimin e pagesës, të paguani online 24/7, dhe të shihni/printoni faturat e pagesave.
Pagesa mund të bëhet edhe me INPS Mobile ose me aplikacionin IO. Për ndihmë, mund të përdorni edhe Contact Center-in ose ndërmjetës të kualifikuar (p.sh. patronate)
