in Shqipëri

Çështja ‘Gërdeci’. 18 vjet burg për Pinarin e Minxollin, 10 vjet për Delijorgjin

Vetëm tre ditë përpara 4-vjetorit të tragjedisë së Gërdecit, merr fund procesi Gërdeci në Gjykatën e Tiranës. Më rëndë nga të gjithë dënohen ish kreu i MEICO-s dhe ish administratori i kompanisë së demontimit Alba Demil

Tiranë, 12 mars 2012 – Gjykata e Tiranës dha sot vendimet për 29 të pandehurit e procesit ‘Gërdeci’.

Dënimet më të rënda për ish kreun e MEICO-s, Ylli Pinarin, dhe  për ish administratorin e kompanisë së demontimit në Gërdec, Dritan Minxollin, që të dyve nga 18 vjet burg. Ndërsa për pronarin e kompanisë Alba Demil, Mihal Delijorgji, janë dhënë 10 vjet burg. Organi i akuzës kishte kërkuar burgim të përjetshëm për këta tre persona.

I pandehuri Sokol Ngjeci është dënuar me 10 vite burg. Ish-shefi i Shtabit të Ushtrisë, Luan Hoxha, i cili është larguar së fundi bashkë me familjen në Amerikë u dënua me 6 vite burg, nga 8 vite që kishte kërkuar Prokuroria.

Pas vendimit kanë reaguar ashpër familjarët e viktimave, ndër to edhe Zamira Durda, e cila humbi tragjikisht djalin e saj në shpërthimin në ish fabrikën e demontimit të municioneve në Gërdec. Në shenjë proteste për vendimin e Gjykatës Zamira  Durda bllokoi për disa minuta derën e Gjykatës.    

Më 15 mars përkujtohet katër-vjetori i shpërthimit të Gërdecit, ku humbën jetën 26 persona, qindra të tjerë u plagosën dhe mijëra mbetën të pastrehë.

Vendimet e Gjykatës së Shkallës së Parë për të pandehurit e çështjes ‘Gërdeci’:

1- Ylli Pinari 18 vjet burg
2 – Dritan Minxolli 18 vjet burg
3 – Mihal Delijorgji 10 vjet burg
4 – Sokol Ngjeci 10 vjet burg
5 – Luan Hoxha 6 vjet burg
6 – Shpëtim Spahiu 4 vjet burg, pezullohet dënimi për një afat 3 vjeçar
7 – Shkëlzen Madani me 3 vjet dhe 300 mijë lekë gjobë
8 – Zenun Ferro 3 vjet burg
9 – Dashnor Çaushi 3 vjet burg
10 – Hilmi Laçaj 3 vjet burg
11 – Gëzim Oshafi 3 vjet burg
12 – Jorgo Mino 3 vjet burg
13 – Fahri Toska 3 vjet burg
14 – Hysni Cocka 3 vjet burg
15 – Ndue Marku 1 vit burg dhe 300 mijë lekë gjobë
16 – Fatbardh Kuci 1 vit burg dhe 300 mijë lekë gjobë
17 – Armand Tartari 1 vit burg
18 – Denis Hajdari 1 vit burg dhe 300 mijë lekë gjobë
19 – Shoqëria Alba Demil gjobitet me 25 milionë lekë dhe ndalohet për 10 vite pjesëmarrja në tendera dhe prokurime publike. Lihet në fuqi masa e sekuestrimit mbi pasuritë e Mihal Delijorgjit deri në shqyrtimin e padive civile nga Gjykata e Tiranë.
20 – Fiqiret Mato i pafajshëm
21 – Agim Babameto i pafajshëm
22 – Besnik Dauti i pafajshëm
23 – Adriatik Mema i pafajshëm
24 – Ardian Mullahi i pafajshëm
25 – Zija Baja i pafajshëm
26 – Agim Lala i pafajshëm
27 – Juliana Margariti e pafajshme
28 – Rezart Tërshana i pafajshëm
29 – Të rishqyrtohet çështja ndaj Lavdi Shatros

Pesë vrasës për të marrë hak për mbesën e vetëvrarë

Viaggio in Albania e nelle terre dell’Adriatico