Reagojnë SHBA dhe BE pas vendimit të Gjykatës Kushtetuese: “Respektojmë autoritetin shqiptar, por nxisim të gjitha palët të mos humbasin kohë”
SHBA dhe BE kanë reaguar pas vendimit të Gjykatës Kushtetuese, për të pezulluar ligjin e Vetingut. Me anë të një deklarate për shtyp, thuhet se SHBA dhe Be mbeten të përkushtuara për zbatimin e plotë të reformës së gjyqësorit.
“Shtetet e Bashkuara dhe Bashkimi Europian respektojnë autoritetin e Gjykatës Kushtetuese për të shqyrtuar Ligjin e Vetingut dhe pezulluar zbatimin e tij. Gjykata Kushtetuese ka thënë se do t’ia referojë ligjin Komisionit të Venecias.
Nxisim që ky referim të ndodhë sa më shpejt që të jetë e mundur për të parandaluar vonesa. Shtetet e Bashkuara dhe Bashkimi Europian mbeten të përkushtuar ndaj zbatimit të plotë të reformës së gjyqësorit” thuhet në deklaratë.
