Zherri, 48 vjeç, rezident prej vitesh në Sant’Egidio alla Vibrata, është i punësuar nga një ndërmarrje për mbledhjen e diferencuar e mbetjeve.
Romë, 21 janar 2013 – Një aksident i rëndë në punë ka ndodhur pasditen e të shtunës në lagjen Salino të Tortoretos në provincën e Teramos. Viktimë ka mbetur punëtori Halim Zherri, 48 vjeç, dora e djathtë e të cilit ka mbetur e shtypur në makinën e imbalazhimit që po përdorte. Zherri, rezident prej vitesh në Sant’Egidio alla Vibrata, është i punësuar nga një ndërmarrje për mbledhjen e diferencuar e mbetjeve.
Ndihma e shpejtë që e ka marrë në vendngjarje, e ka transportuar fillimisht në spitalin e Giulianovas për kurat e para, por menjëherë më pas, për shkak të traumës së rëndë nga shtypja me prerjen thuajse të plotë të dorës së djathtë është trnsferuar në spitalin e Ankonës ku i është nënshtruar një operacioni e është shtruar me prognozë të rezervuar.
Karabinierët e Alba Adriaticas po hetojnë mbi episodin, mbi mungesën e mundshme të masave të sigurisë në vendin e punës.
