Karabinierët e Villanova d’Asti kanë arrestuar për keqtrajtime në familje, kërcënime, dhunë dhe qëndresë ndaj zyrtarëve të shtetit, Petrit Çunin, 30 vjeç
Romë, 19 shtator 2012 – Karabinierët e Villanova d’Asti kanë arrestuar mbrëmë 30 vjeçarin Petrit Çuni për rrahjen e të shoqes.
Forcat e rendit të lajmëruara nga fqinjët që kanë dëgjuar thirrjet për ndihmë të gruas, kanë vajtur në vendngjarje dhe e kanë arrestuar 30 vjeçarin që duket në nerva e sipër u është kundërvënë edhe atyre.
Sipas rrëfimit të të shoqes, ai e ka rrahur me grushta e shkelma pa ndonjë arsye të veçantë e më pas e ka mbyllur në dhomë të gjumit pa e lënë të hajë darkë.
Karabinierët kanë shoqëruar gruan në repartin e ndihmës së shpejtë ndërsa Petrit Çunin në burg.
Kohët e fundit, nuk kanë qenë të rralla aktet e dhunës në brendësi të familjeve. Vetëm pak ditë më parë, tronditi opinionin publik vrasja e Mariolës, 32 vjeçe, nënë e katër fëmijëve, nga i shoqi, Arben Hoxha, dorën e të cilit e armatosi bindja se e shoqja e tradhtonte.
Lexo edhe:
Terni Arrestohet 45-vjeçari që rreh vajzën në rrugë
Fano Vret të shoqen për xhelozi dhe dorëzohet në polici
Teramo Rreh gruan e familjarët e saj, përfundon në burg
