Sipas 28 vjeçarit që ka mbetur i plagosur, ndërsa ishte në rrugë bashkë me shokun, Klaudio Rucaj, që mbeti i vdekur, u kanë qëlluar nga një makinë në lëvizje
Romë, 16 korrik 2012 – Një i vdekur e një i plagosur rëndë, që të dy shqiptarë, janë viktimat e të shtënave me armë, mbrëmë në darkë në Fucecchio të Firences.
I plagosuri, 28 vjeç, u ka treguar karabinierëve, se ishte në rrugë me bashkatdhetarin 31 vjeç, Klaudio Rucaj, në fraksionin Ponte a Cappiano, kur nga një makinë në ecje e sipër është shtënë me armë zjarri. 28-vjeçari ka arritur të lajmërojë të vëllanë që i ka çuar menjëherë në Ndihmën e Shpejtë të Fucecchios. Për 31 vjeçarin Rucaj nuk mund të bëhej asgjë, kishte vdekur, ndërsa 28-vjeçari është çuar urgjentisht në spitalin San Giuseppe të Empolit ku është operuar.
Sipas karabinierëve që po hetojnë për zbardhjen ngjarjen, ai ndaj dy shqiptarëve, është atentat i mirëfilltë. Sipas tyre, shkak i vrasjes mund të ketë qenë një grindje e mëparshme për një grua.
