Mes të ndaluarve edhe një polic, një shofer autobusi linje dhe drejtori i një zyre postare
Romë, 25 shtator 2012 – Një organizatë kriminale italo-shqiptare që shpërndante drogë në jug të kryeqytetit italian është zbuluar nga karabinierët e Valmontones (provinca e Romës). Sot në mëngjes janë arrestuar dhjetë vetë, tre shqiptarë e shtatë italianë, gjashtë prej të cilëve janë futur në burg ndërsa katër janë në arrest shtëpie.
Mes të arrestuarve edhe një agjent i policisë lokale të Valmontones që duket se shpërndante drogë edhe në orar të punës e me makinën e policisë, drejtori i një zyre postare dhe një shofer i transportit urban.
