Laura Boldrini: “Është çështje qytetërimi. Shokët e fëmijëve tanë nuk mund të mos jenë italianë”
Romë, 25 mars 2013 – Shtetësia për fëmijët e emigrantëve “është çështje për të cilën duhet nisur puna sa më parë të jetë e mundur”. E ka thënë të dielën Laura Boldrini, Kryetare e Dhomës së Deputetëve, e ftuar në emisionin televiziv “Che tempo che fa”. “Është çështje qytetërimi. Shokët e fëmijëve tanë – ka shtuar – nuk mund të mos jenë italianë”.
Gjithnjë lidhur me imigracionin, Boldrini ka nënvizuar që “emigranti është shprehje e globalizimit, figura e tij duhet të rivlerësohet”. Sipas kryetares së Dhomës, ata “përfaqësojnë sfidën e të ardhmes, nuk janë mjeranë. Kjo – ka shtuar – fatkeqësisht nuk është e qartë për të gjithë”.
Boldrini ka cituar gjithashtu edhe një fragment të fjalës së Papa Françeskut lidhur me punën e tij si urë mes dy botëve (të krishterë e myslimane) duke e quajtur “shumë të bukur”.
