Balerina e talentuar kërcen me Massimo Ranierin e Ricky Martin gjatë gjysmëfinales
Romë, 30 maj 2015 – Është Klaudia Pepa, ballerina shqiptare, një nga 4 finalistët e Amici-t të Maria De Filippit. Fiton sfidën e fundit me Giorgio Albanesen dhe meriton të jetë finalistja e katërt.
Edhe gjatë gjysmëfinales ka konkurruar disa herë, për t’u veçuar performanca me Massimo Ranierin, i cili kthehet për të dytën herë në tre javë, gjithnjë për të shoqëruar balerinën shqiptare. Me talentin e saj, Klaudia kishte fituar që herën e parë vlerësimet e lartë të aktorit e këngëtarit napoletan, i cili i përsërit sërish gjatë provave të gjysmëfinales. “Klaudia Pepa është një artiste me bukuri të rrallë e hir të pazakontë. Shihet që nuk vallëzon për vete por për publikun” është shprehur Ranieri pasi këtë radhë e ka shoqëruar me të famshmen “O sole mio”.
Balerina e talentuar vallëzon nën notat e “O sole mio” të kënduar nga Massimo Ranierin
Posted by Shqiptari Italisë on Sabato 30 maggio 2015
Në gjysmëfinale, Klaudia ka performuar edhe me anëtarin special të jurisë, Ricky Martin: ka vallëzuar ndërsa artisti portorikan ka kënduar disa nga sukseset e tij Vida loca, She bangs, La copa de la vida.
Takimi i radhës, ai më i rëndësishmi, të premten e ardhshme, më 5 qershor, kur në Canale 5 transmetohet finalja e Amici-t, programi që më shumë se cilido tjetër ka sjellë përpara publikut të gjerë televiziv të rinj të talentuar shqiptarë.
Balerina e talentuar kërcen me Ricky Martin
Posted by Shqiptari Italisë on Sabato 30 maggio 2015
Lexo edhe:
Klaudia Pepa, nga ‘Gjeniu i vogël’ mes ‘Miqve’ të Maria De Filippit
Klaudia Pepa magjeps Massimo Ranierin e publikun (Video)
