“Luftë diplomatike” … si në filmat me Dom Camillo e Peppone
Romë, 22 gusht 2013 – “Mbyllen kufijtë Shqipëri-Greqi”, “Tension në kufirin greko-shqiptar”. Me këta tituj mediat italiane kane përcjellë këto orët e fundit konfliktin mes dy vendeve që pati si shkak-justifikim kthimin, me vendim gjykate, të një kishe ortodokse shqiptare në Përmet bashkisë së qytetit. Por që dje arriti deri në mbylljen e kufirit, fillimisht nga pala greke me kthimin mbrapsht te qindra qytetareve shqiptare.
E per here te pare keta 22 vjet, pala shqiptare, e me sakte policia kufitare shqiptare ne Kakavijë dhe Kapshticë iu pergjigj me të njëjtën monedhë duke vene ne zbatim marrëdhënien e reciprocitetit me Greqinë. Ka qenë vetë drejtori i Policisë Kufitare, Admir Abrija, qe urdhëroi zbatimin e procedurave reciproke. Ai kërkoi që të mos lejohej kalimi i asnjë shtetasi grek, nëse nuk e justifikonin kalimin, pa treguar ne kufi prenotimin e hotelit, bileten e kthimit e pasjen e nje shume te pershtatshme per çdo dite te qendrimit ne Shqiperi. Keshtu ne pak ore, ne Kakavijë dhe Kapshticë, policia shqiptare ka kthyer dje mbrapsht një autobus me grekë dhe disa makina, afërsisht rreth 100 persona.
Praktikisht, per disa ore Shqiperia e Greqia kane pasur vertet kufijte e mbyllur. E nese lajmi i bllokimit/vonesave ne kufirin shqiptaro-grek i mijera shqiptareve gjate ketyre viteve, nuk ka zene asnjehere faqet e mediave italiane, kete radhe kunderpergjigjja e Shqiperise (me ne fund!) nuk ka kaluar pa u vene re. Ja si e kane percjelle menjehere disa web-site italiane:
