Më 29 maj 2013 u zhvillua ceremonia e dorëzimit të letrave kredenciale të Ambasadorit të Jashtëzakonshëm dhe Fuqiplotë të Republikës së Shqipërisë, Prof. Neritan Ceka, tek Presidenti i Republikës së Italisë Giorgio Napolitano.
Në ceremoni morën pjesë nga Ambasada e Shqipërisë Ministri Fuqiplotë, Hysi, Atasheu Ushtarak Çauli dhe sekretari i Dytë Ibra, ndërsa nga Presidenca Këshilltari Diplomatik i Presidentit, Ambasador Stefano Stefanini, Këshilltari për Çështjet Ligjore dhe Kushtetuese, Giancarlo Montedoro, Këshilltari Ushtarak, Gjeneral Rolando Mosca Moschini, zëvendësministri i Punëve të Jashtme, Bruno Archi dhe drejtori i Protokollit të Shtetit, Ambasador Stefano Ronca.
