Nga sot përpilimi i kërkesave në portalin e ministrisë së Brendshme, nisjet e kërkesave nga 31 janari. Ja kush mund të paraqesë kërkesën e kush mund të vijë në Itali
Romë, 24 janar 2018 – Ndërmarrjet bujqësore, restorantet, hotelet. Janë sipërmarrësit e këtyre ndërmarrjeve ata që mund të përfitojnë nga 18 mijë kuotat për të sjellë në Itali punonjës sezonalë jokomunitarë me dekretin e flukseve 2018.
Nga sot, këto ndërmarrje mund të përgatisin kërkesat e punësimit në portalin e ministrisë së Brendshme https://nullaostalavoro.dlci.interno.it, personalisht apo me ndihmën e një shoqatë të kategorisë. Duhet të përpilojnë formularin C – “Kërkesë autorizimi për punë të varur sezonale” dhe ta ruajnë. Për të nisur kërkesat duhet pritur e mërkura e ardhshme, 31 janar.
Punonjësit sezonalë mund të thirren nga Shqipëria, Kosova, Maqedonia Mali i Zi, Serbia, Algjeria, Bosnja-Herzegovina, Korea, Bregu i Fildishtë, Egjipti, El Salvadori, Etiopia, Filipinet, Gambia, Gana, Japonia, India, Mali, Maroku, Mauricius, Moldova, Nigeri, Nigeria, Pakistani, Senegali, Sri Lanka, Sudani, Tunizia, Ukraina.
Për më tepër, 2.000 kuota nga 18 mijë të këtij dekreti u rezervohen punonjësve që janë thirrur për të bërë punë sezonale në Itali, të paktën njëherë në pesë vjetët e fundit dhe për të cilët punëdhënësit mund të paraqesin kërkesa autorizimesh shumëvjeçare. Kjo do t’u lejojë ndërmarrjeve t’i sjellin në Itali vitet e ardhshme sapo të kenë nevojë për ta, pa pritur një dekret fluksesh.
Shqiptariiitalise.com
Lexo edhe:
Mbërrin dekreti i flukseve 2018. Autorizon 30.850 ardhje dhe konvertime
Flukset 2018. Përgatiten kërkesat për punonjësit josezonalë dhe për konvertimet
Dekreti i flukseve 2018, teksti në Gazetën Zyrtare
23 janar 2018. Nga sot nisen kërkesat për punonjësit josezonalë dhe konvertimet
