Autopsia thotë se Eduard Ndoji është vrarë nga shumë afër. Besohet versioni i Franzonit sipas të cilit pushka iu shkreh pa dashje ndërsa zihej trup më trup me Ndojin
Romë, 19 dhjetor 2013 – Është nxjerrë nga burgu 29 vjeçari Mirko Franzoni nga Serle e Brescias që të shtunën e shkuar gjeti në shtëpi një hajdut, 26 vjeçarin Eduard Ndoj, e ndoqi për dy orë dhe e vrau me armën që kishte në krah. Gjykatësi për hetimet paraprake i gjykatës së Brescias ka hedhur poshtë kërkesën e prokuratorit për mbajtjen e tij në burg, sepse “nuk ekzistojnë prova të rënda faji”.
Franzoni ka thënë gjithnjë që pushka iu shkreh aksidentalisht ndërsa zihej me Ndojin. Autopsia e Ndojit tregon se është qëlluar nga shumë afër, gjë që bën të besueshëm versionin e Franzonit.
Mbetet gjithsesi fakt që Franzoni e ka ndjekur Ndojin për dy orë me armë në krah, edhe pse thotë se nuk kishte ndërmend ta vriste atë.
Lexo edhe: Vrasja e 26-vjeçarit Ndoji në Brescia. Me paramendim apo fatkeqësi?
(Ndiqni ‘Shqiptari i Italisë’ edhe në Facebook dhe Twitter)
