Arrestohet ish i shoqi, Elvis Gocaj, 32 vjeç. Agresioni për shkak të xhelozisë, para syve të fëmijëve të vegjël të çiftit
R
Nga lajmet e sotme mësohet se shkak i sherrit mes dy ish bashkëshortëve ka qenë xhelozia e Gocajt që mëngjesin e djeshëm ka shkuar në shtëpinë e Bregut i armatosur më sëpatë dhe ka nisur ta kërcënojë e është përpjekur ta godasë përpara syve të fëmijëve të mitur të çiftit.
Në përpjekje për t’i shpëtuar dhunës, Marta Bregu nga dritarja e dhomës së gjumit ka kaluar mbi çatinë e kapanonit. I shoqi e ka ndjekur, dhe sipas dëshmitarëve, e ka arritur, e ka ngritur peshë dhe e ka hedhur poshtë nga çatia.
Gjendet akoma e shtruar në spitalin Careggi të Firences në gjendje shumë të rëndë. Mjekët dyshojnë për lëndim të shtyllës kurrizore që mund të shkaktojë paralizë. Gruaja ka edhe një plagë të thellë në shpatull që nuk është e qartë nëse i është bërë kur ka rënë ose nga i shoqi me sëpatë siç u tha fillimisht
Alarmin e kanë dhënë disa dëshmitarë që janë gjendur në vendngjarje. “E pashë të shoqin që e ndiqte mbi çati. – rrëfen Franco Caprini për La Nazione – Kur arriti ta kapë, e mori në krahë dhe e hodhi poshtë pa mëshirë. Nuk mendoja se mund të ndodhte një gjë e tillë, akoma më dridhet mishi. Mu duk sikur isha në një film, dhe nuk kisha asnjë mundësi ta ndihmoja gruan”.
Nga sa kanë kuptuar karabinierët, shkak i kësaj trgjedie duhet të ketë qenë xhelozia e çmendur e burrit që nuk pranonte dot ndarjen apo që e shoqja të kishte një jetë të re. 32-vjeçari Gocaj ia ka mbathur pas agresionit por është kapur shpejt nga karabinierët që e kanë arrestuar me akuzën e vrasjes së mbetur në tentativë.
Fëmijët e çiftit në moshë shumë të njomë, katër e gjysmë, tre dhe dy vjeç, që kanë parë dje tmerr, tani janë marrë nën mbikëqyrjen e shërbimeve sociale të Serravalle Pistoiese.
Redaksia Shqiptari i Italisë
