Kanë hyrë në fuqi shtrenjtimet e parashikuara nga Ligji i qëndrueshmërisë, që do të rëndojnë edhe në xhepat e imigrantëve. Duke filluar nga viza e hyrjes për studime që tani kushton 50 euro
Romë, 2 mars 2016 – Shërbimet e konsullatave italiane janë bërë më të shtrenjta, edhe për të huajt që duan të vijnë në Itali. Kjo për shkak të Ligjit të qëndrueshmërisë që ka ngritur shumë tarifa me qëllim që në arkat e shtetit të hyjnë 6 milionë euro më shumë në vit.
Surprizën më të hidhur e kanë studentët. Përpara hynin në Itali me vizë falas, tani një vizë kombëtare për motive studimi, ajo me të cilën vijnë ata që ndjekin universitetin në Itali, për shembull, kushton 50 euro.
Por ngritje çmimesh ka edhe për të tjera shërbime. kushtojnë 20% më shumë të gjitha certifikatat e gjendjes civile (me përjashtim të njohjes së shtetësisë për prejardhjen, që mbetet 300 euro), dokumentet mbi mosmarrëveshjet, ndihma vullnetare dhe juridiksioni vullnetar dhe dokumentet administrative. Rriten akoma më shumë, me 40%, tarifat për aktet e noterëve apo që kanë të bëjnë me transportin detar e ajror, për përkthimet e legalizimet (shpesh të kërkuara nga shqiptarët në Tiranë apo Vlorë, më shumë se nga italianët) dhe për të drejtat urgjencës.
Tarifat e reja janë në fuqi nga 15 shkurti 2016. I gjeni të gjitha në këtë Tabelë të tarifave konsullore të përditësuara.
EP
