A është Carlo Malinconico pasardhës i heroit kombëtar të Shqipërisë, Gjergj Kastrioti?
Nga një kërkim i gazetës Bota Shqiptare në vitin 2005 rezultonte se numeratori telefonik i Italisë ka 23 vetë me mbiemrin Castriota, 24 vetë me mbiemrin Castriota Scanderbeg, dy me mbiemrin Castriota Scanderbeg D’Albania dhe një Castriota Scanderbeg De’ Principi d’Albania. Thuajse të gjithë mëtojnë të jenë pasardhës të Skënderbeut. Të gjithë kanë në sirtar një dokument a pemë gjenealogjike “të pakundërshtueshme” për prejardhjen e tyre “të drejtpërdrejtë” nga Gjergj Kastrioti, ndërsa është e dokumentuar se linja mashkullore e familjes së Gjergj Kastriotit është ndërprerë që më 1600-ën. (r.s.)
