Ështё Çezarin Toma, poeti i ri shqiptar, tё cilit më 21 nёntor 2010, Juria e Edicionit tё 28-tё tё Konkursit letrar ndërkombëtar pёr poezi e prozё Giorgio La Pira i akordoi Çmimin Special. Nё kёtё konkurs, qё organizohej nga Qendra e Studimeve “Giuseppe Donati” tё qytetit Pistoia, morёn pjesё mbi 8000 konkurues italianё dhe tё huaj me krijimet e tyre nё poezi e prozë. Çezarin Toma u paraqit me poezinё “Noi” (shq.”Ne”).
Siç na rrёfen vetё autori, kёtё poezi e krijoi “me synimin pёr tё evokuar e pёr tё mos harruar martirёt, figurat e letërsisë ( nё mёnyrë tё veçantё Fishtёn) dhe shumё intelektualё tё tjerё shqiptarё, tё cilёt pёr hir tё sё vёrtetёs u flijuan pёr njё popull, pёr kulturё e frymё lirie”. Juria e Konkursit tё kёtij Çmimit Special shprehej se: “motivi i dhёnies sё çmimit duhet kёrkuar te cilёsia e punimit tё paraqitur pёr konkurim, i cili vё nё dukje vlera kulturore, tendenca risie qoftё nё pёrdorimin e fjalёs, qoftё nё kёrkim tё njё stili tё ri”.
Nёse akordimi i çmimit kishte njё vlerё mё vete si vlerёsim pёr krijimin e poetit shqiptar edhe si i vetmi krijues i huaj i vlerësuar me çmim (mes 8000 krijimeve tё paraqitura totalisht pёr konkurim), dhёnia e kёtij çmimi pёr Çezarin Toma kishte dhe njё rёndёsi tjetёr mbasi lidhej me Ditёn Ndёrkombёtare tё Paqes, Kulturёs e Solidaritetit, nё kujtim tё mёsimeve tё Giorgio La Pira. Në të njëjtën ditë, Presidentit tё Republikёs sё Shqipёrisё, Bamir Topi, iu dorёzua Çmimi Ndёrkombёtar pёr Paqen 2010.
E kuptueshme gjendja emocionale e poetit të cilit fati i sjell dy gёzime nё njё ditё, marrjen e çmimit, takimin me presidentin Topi dhe atmosferёn e magjishme tё njё atdhetarizmi tё flaktё tё krijuar nga qindra bashkatdhetarё tё ardhur posaçërisht nё Pistoia.
Dhёnia e çmimeve letrare tё Konkursit Ndërkombёtar Giorgio La Pira u organizua nё Sala Sinodiale del Palazzo dei Vescovi qё ndodhet nё Piazza del Duomo të Pistoias nё praninё e njё publiku tё shumtё, qytetarё tё zonёs por dhe bashkatdhetarё me banim nё Toskanё, miq e dashamirёs dhe familjarё tё poetit si dhe pёrfaqёsues tё botёs sё kulturёs, politikёs, kishёs dhe enteve lokale.
(Vijon intervista)
