Shkodër
Zonat e thella malore të Qarkut të Shkodër janë plotësisht të izoluara. Aksi rrugor Shkodër-Vermosh dje ka qenë i bllokuar nga prania e borës, ndërkohë që e njëjta situatë ka qenë edhe në aksin rrugor që lidh Shkodrën me Dukagjinin. Në Rrethin e Pukës vijojnë të mbeten problematike rrugët rurale në Komunat e Iballës, Fierzës dhe Qafë Malit, pasi trashësia e dëborës ka arritur deri në 70 cm. Rrugët në Qafën e Thores, Malin e Shoshit dhe Qafën e Bordolecit janë të izoluara. Mungesa e mjeteve borëpastruese ka bërë që në rrugët rurale të komunave të thella të Qarkut të Shkodrës trashësia e borës të arrijë deri në 70 cm.
